भारतमा कोरोनाले ३७ को ज्यान लियो तर हिँडेर घर पुग्छु भनेका २९ मजदुरसहित ३४ को सडकमै मृत्यु

काठमाडौं  चैत १७, २०७६

कोरोनाभाइरसलाई रोक्नका लागि भारतमा २१ दिन लकडाउन गरिएको छ । यो लकडाउन २४ मार्च राती १२ बजेदेखि सुरु भएको थियो जुन १४ अप्रिलसम्म चल्नेछ । यसको सबैभन्दा धेरै असर ती मजदुरमाथि परेको छ जो राम्रो जीवनयापनका लागि आफ्नो गाउँबाट शहर आएका थिए । तर लकडाउनका कारण यी मजदुरका लागि आफ्नो र आफ्नो परिवारको खर्च सम्बोधन गर्न मुश्किल भएको छ । जब सबै बन्द भयो तब मजदुर भोक प्यासको ख्याल नगरी हिँडेर आफ्नो घर पुग्ने उद्देश्यसहित निस्किए । यो यात्रामा कतिले आफ्नो ज्यान नै गुमाउनु पर्यो । कसैलाई गाडीले ठक्कर दिए, कतिको हिँड्दा हिँड्दै मृत्यु भयो । लकडाउनको ६ दिन बितिसकेको छ र अहिलेसम्म २९ मजदुरसमेत ३४ जनाले ज्यान गुमाइसकेका छन् । जबकी कोरोनाका कारण भारतमा ३७ जनाको मृत्यु भइसकेको छ ।

प्रतिक्रिया दिनुहोस

<