विश्वका एक अरब ६० करोड श्रमिकको जिविकोपार्जन खतरामा–आइएलओ

2020-04-30-13443

राष्ट्र संघीय संस्था आइएलओले विश्वका करिब चार करोडभन्दा बढी खुद्रा तथा औद्योगिक उत्पादन गर्ने निकाय अवरोधको अवस्थाबाट गुज्रिरहेको जनाएको छ । विश्वभरि करिब तीन अरब ३० करोड श्रमिक छन् । जसमध्ये करिब दुई अरब श्रमिकले अनौपचारिक अर्थव्यवस्थामा कार्यरत छन् । श्रम बजारमा सबैभन्दा बढी जोखिमपूर्ण अनौपचारिक अर्थव्यवस्थाका क्षेत्र हुन् ।

पीटीआइका अनुसार आइएलओले अनौपचारिक अर्थव्यवस्थाका करिब एक अर्ब ६० करोड श्रमिकले आर्थिक मन्दीको कारण जिविकोपार्जनको क्षमता गुमाएको र जिवन जिउन संकटको सामना गरिरहेको उल्लेख गरेको छ ।
आइएलओको अनुमान बमोजिम वैश्विक लकडाउनको पहिलो महिनामा यी क्षेत्रमा कार्यरत श्रमिकले आफ्नो आयको करिब ६० प्रतिशत गुमाएको छ । अफ्रिका र अमेरिकामा करिब ८० प्रतिशत, यूरोप र मध्य एशियामा ७० प्रतिशत र एशियामा २१.६ प्रतिशत आम्दानीमा ह्रास आएको हो । आइएलओका निर्देशक गोइ राइडरले महामारीले नोकरी संकट उत्पन्न भएको र यस्तोमा जोखिमपूर्ण अवस्थामा रहेका श्रमिकको संरक्षणको दायित्व बढ्न जाने बताउनुभयो ।

gorkhapatra

प्रतिक्रिया दिनुहोस

<