मन्त्रिपरिषद् बैठकका १४ निर्णय, एसिड आक्रमणका २ घाइतेलाई जीवन निर्वाह भत्ता दिइने

अशोज ९ गते,
काठमाडौं । सरकारले एसिड आक्रमणबाट घाइते भएका २ जनालाई जीवन निर्वाह भत्ता उलपब्ध गराउने भएको छ । असोज ७ गते बसेको मन्त्रिपरिषद् बैठकले एसिड आक्रमणबाट घाइते भएका जेनी खड्का र मुस्कान खातुनलाई उपचार खर्च एवं जीवनयापन गर्न जनही तीन लाख रुपैयाँ आर्थिक सहायता उपलब्ध गराउने निर्णय गरेको हो।

बिहिबार नियमित पत्रकार सम्मेलनमार्फत संचार तथा सूचना प्रविधिमन्त्री गोकुल बास्कोटाले निर्वाह भत्ता उपलब्ध गराउने बारे जानकारी दिएका हुन् ।

यस्तै मन्त्रिपरिषदले नेपाल र अस्ट्रेलिया सरकारबीच हवाई सेवा सम्झौता प्रारम्भिक हस्ताक्षर गर्ने, मोरङ जिल्ला प्रशासनबाट शम्भुप्रसाद मण्डलको नामबाट जारी भएको नेपाली नागरिकता रद्द गर्नेलगायतको निर्णय पनि गरेको छ ।

यी हुन् मन्त्रिपरिषद वैठकका अन्य निर्णय

१ नेपाल ट्रस्ट ९पहिलो संशोधन० नियमावली, २०७६ स्वीकृत गरिएको छ ।

२ मोरङ जिल्ला प्रशासन कार्यालयबाट जारी भएको शम्भुप्रसाद मण्डलको नेपाली नागरिकताको प्रमाणपत्र रद्ध गरी निजलाई नेपाली नागरिबाट हटाउने निर्णय गरिएको छ ।

३ एसिड आक्रमणबाट घाइते भएक जेनी खड्का र मुस्कान खातुनलाई उपचार खर्च एवं जीवनयापन गर्न जनही तीन लाख रुपैयाँ आर्थिक सहायता उपलब्ध गराउने निर्णय गरिएको छ ।

४ चितवन जिल्ला, भरतपुर महागरपालिका वडा नं। १६ को वडाध्यक्षको रिक्त पदपूर्तिका लागि २०७६ मंसिर १४ गते शनिबार उपनिर्वाचन हुने गरी मिति तोक्ने र र सोको जानकारी निर्वाचन आयोगलाई दिने निर्णय गरिएको छ ।

५ नेपाली नागरिकहरू नारायणप्रसाद अर्जल र महासेनानी रामजी थापालाई विदेशी मुलुकबाट पदक ग्रहण गर्न स्वीकृति दिइएको छ ।

६ प्रहरी अतिरिक्त महानिरीक्षकको सरुवा गर्ने निर्णय गरिएको छ ।

७ उपरथी प्रभुराम शर्माको पदावधि १ वर्ष २ महिना १५ दिन थप गर्ने निर्णय गरिएको छ ।

८ नेपाल प्रज्ञा प्रतिष्ठान र इजरायलको हिब्रु लेखक संघबीच वाङ्मय आदानप्रदान तथा सहकार्य गर्ने सम्बन्धी प्रस्तावित समझदारीपत्रमा नेपालको तर्फबाट हस्ताक्षर गर्न नेपाल प्रज्ञा प्रतिष्ठानका कुलपतिलाई स्वीकृति दिइएको छ ।

९ नेपाल सरकार र अष्ट्रेलिया सरकारबीच हवाई सेवा सम्झाौतामा प्रारम्भिक हस्ताक्षर गर्ने निर्णय गरिएको छ।

१० शहरी पूर्वाधार विकास निगमको स्थापना तथा सञ्चालन सम्बन्धमा व्यवस्था गर्न बनेको विधेयक तर्जुमा गर्न सैद्धान्तिक स्वीकृति दिइएको छ ।

११ राजकीय अतिथी गृह निर्माण गर्न तयार गरिएको गुरूयोजना स्वीकृत गरिएको छ ।

१२ पूर्व राष्ट्रपति डा। रामवरण यादवलाई भारतको चण्डिगढस्थित अस्पतालमा उपचार गराउँदा लागेको उपचार र उपचारसँग सम्बन्धित विलबमोजिमको रूपैया नयाँदिल्लीस्थित नेपाली दुतावासबाट भुक्तानी दिने निर्णय गरिएको छ ।

१३ सूचनाको हक कार्यान्वयन सम्बन्धी अनुगमन निर्देशिका, २०७५ स्वीकृत गरिएको छ ।

१४ एकल महिला सुरक्षा कोष ९सञ्चालन० ९पहिलो संशोधन० नियमावली, २०७६ स्वीकृत गरिएको छ ।

 

प्रतिक्रिया दिनुहोस

<