कपुरकोटमा सञ्चालित हेल्थ डेस्कमा २८ हजारको परीक्षण, हेल्थ डेस्क बनगाडमा पनि थपियो

सल्यान, १२ चैत ।
सल्यानको कपुरकोटमा सञ्चालित हेल्थ डेस्कमा हालसम्म २८ हजारको स्वास्थ्य परीक्षण गरिएको छ । चैत १ गतेबाट सञ्चालित हेल्थ डेस्कबाट २८ हजार ८ सय ८१ जनाको स्वास्थ्य परीक्षण गरिएको हो ।

अहिलेसम्म हेल्थ डेस्कमा परीक्षण गरिएका कुनै पनि व्यक्तिमा कोरोना भाइरससँग मिल्ने लक्षण फेला नपरेको हेल्थ डेस्कका फोकल पर्सन देवेन्द्र कुमार सेनले बताए ।

नेपाल सरकारले लकडाउनको घोषणा गरेसँगै कपुरकोट नाकाबाट निकै कम मात्रामा सर्वसाधारण हिडडुल गरी रहेको उनको भनाई छ । लकडाउन हुनु भन्दा पहिले यात्रुहरुको निकै चाप रहेको बताउदै उनले उक्त समयमा प्रयाप्त उपकरण र जनशक्तिको अभाव रहेको बताए ।

कोरोना भाईरसबाट जोगिन र रोगीको पहिचान गर्न भन्दै कर्णाली प्रदेश सरकार र कपुरकोट गाउँपालिकाको समन्वयमा हेल्थ डेस्क स्थापना गरिएको छ ।
यस्तै सल्यानको बालुवासंहग्रीमा थप हेल्थ डेस्क स्थापना गरिएको छ

बनगाड कुपिन्डे नगरपालिका १० बालुवासंग्रहीमा नेपाली सेनाले हेल्थ डेस्क स्थापना गरेको हो । जिल्लाका दुई नाका मध्ये कपुरकोट नाकामा मात्र हेल्थ डेस्क स्थापना गरिएको थियो ।

सुर्खेतको केही भाग, जाजरकोट, डोल्पा, रुकुम पश्चिम जिल्लाको नाकाको रुपमा रहेको जिल्ला प्रवेश गर्ने हेल्थ डेस्क स्थापना गरिएको प्रमुख जिल्ला अधिकारी शिवराम पोखरेलले बताए । नेपाली सेनाको जनशक्ति र उपकरणको माध्यमबाट डेस्क स्थापना गरिएको उनको भनाई छ ।

प्रतिक्रिया दिनुहोस

<