सर्जक र स्रष्टाहरुका लागि जुनसुकै समय पनि उपयुक्त नै हुन्छ । सुखद् समयमा सुखद् कुरा व्यक्त भएका हुन्छन् र दुखद् समयमा दुखद् कुराहरु नै व्यक्त भएका हुन्छन् । रचनामा सत्ता र शक्तिमा हुनेले गरेका वा गर्नुपर्ने कुराको बारेमा पनि सुझाव र सन्देश ब्यक्त भएको हुन्छ भने नागरिकहरुले भोगेका कुराहरु पनि जस्ताका जस्तै आएका हुन्छन् । अतः संकटमा पनि नमर्ने भनेको साहित्य, कला र सृजना रचना नै हुन् ।
एकताका कुनै राजा महाराजा वा ठूलाबडाका मात्रै रचनाहरुलाई सञ्चारमाध्यमहरुले प्रचार गर्दथे , तर अहिले लोकतन्त्रमा त्यस्तो छैन, जो सुकैले सृजना गरोस्, नागरिकको मनमा पस्न सक्ने रचना छ भने सजिलै प्रचारप्रसार हुने गरेका छन् ।
पछिल्लो समय, गलज, मुक्तक वा लेख रचनाहरुमा सल्यानीहरु पनि निकै अगाडि बढेका छन् । त्यस्तै एक सल्यानी युवाको मुक्तकलाई आज यहाँ स्थान दिएका छौं । सल्यानको बन्गाड कुपिन्डे नगरपालिका ३ घर भई एउटा सामान्य परिवारमा आफ्ना दिनहरु विताईरहेका सुनिल राना विरहीले शब्दहरु र शब्दसंगै मिल्ने चित्रहरुमार्फत समाजलाई चित्रण गरिरहनुभएको छ । उहाँले दर्जनौं मुक्तक र गजलमार्फत आफुलाई चिनाउनुभएको छ । आज उहाँका केही मुक्तकहरु यहाँ प्रस्तुत गरेका छौं ।
प्रतिक्रिया दिनुहोस