छत्रेश्वरीको बजेट बिबाद : विधि र प्रक्रिया अनुसार वजेट आए पास हुन्छ नेकपाका जनप्रतिनिधि

सल्यान, २६ साउन ।
नेपाल कम्युनिष्ट पार्टी (नेकपा)का जनप्रतिनिधिले विधि र प्रक्रिया अनुसार वजेट आए पास हुने बताएका छन ।

गत असार १० गते गाउँसभामा नीति तथा कार्यक्रम र वजेट पेश गरेको जिल्लाको छत्रेश्वरी गाउपालिकाको डेढ महिना बित्दा समेत अझै पारित हुन सकेको छैन ।

सोमबार (आज) भोटेचौरमा पत्रकार सम्मेलन गर्दै नेकपाबाट निर्बाचित बहुमत कार्यपालिका सदस्यहरुले यस्तो बताएका हुन । उनीहरुले गाउँपालिकाले नीति, विधि र प्रक्रिया अनुसार नीति तथा कार्यक्रम गाउसभामा पेश नगरेको बताएका हुन ।

अहिले बजेटको बिषयलाई गाउँपालिका अध्यक्षले करारका कर्मचारीसंग जोडेर गाउँसभा नै बस्ने वातावरण नबनाएको उनीहरुको भनाई छ ।
नेकपाबाट निर्बाचित छत्रेश्वरी गाउँपालिका ५ का वडाअध्यक्ष लिलाधर घर्तीले एजेण्डा सहित बिषयगत समितिबाट कार्यपालिका बैठकमा पेश गर्ने र कार्यपालिका बैठकबाट व्यापक छलफल गरेर गाउँसभामा पठाउनु पर्ने प्राबधान भएपनी नीति संगत नभएकोले निति तथा कार्यक्रम र बजेट पारित हुन नदिएको बताउनु भएको छ ।

तर गाउपालिका अध्यक्षले बजेट र करार कर्मचारीलाई संगै जोडेको भन्दै उहाँले आपत्ति जनाउनु भयो । प्रचलित बिधि र प्रक्रिया अनुसार गाउसभामा निति तथा कार्यक्रम र बजेट नआएको उहाँको भनाई छ ।

अहिले करार कर्मचारीलाइ मुख्य एजेन्डा बनाइएको बताउदै छत्रेश्वरी गाउँपालिका २ का वडाअध्यक्ष प्रेम बहादुर खड्काले आबश्यकता बाहेक का करार कर्मचारी हटाउनुपर्ने माग आफुहरुको रहेको बताउनुभयो ।

उहाले गाउम्पालिका अध्यक्षले भने जस्तो सबै कर्मचारी हटाउनुपर्ने प्रस्ताव आफ्नो नभएको बताउनुभयो । पहिले कर्मचारी थिएनन्, हामीले करारमा कर्मचारी भर्ना ग¥यौ, पछि प्रदेश र केन्द्रले कर्मचारी पठाए पछि करारका कर्मचारी हटाउनुपर्छ भन्ने माग हो, खालि रहेको स्थानमा स्थायी कर्मचारी आएका छन, तीन वटा वडामा २र२ जनाको दरले वडा सचीव छन्, उहाँले भन्नुभयो यो सिमित स्रोत र साधन भएको गाउपालिका हो, थोरै भए पनि गाउँपालिकालाई किन आर्थिक भार थप्ने ?

यस्तै वडा नम्बर ४ का वडाअध्यक्ष नेव बहादुर खड्काले गाउँपालिकाबाट हुने खर्चलाई पारदर्शी बनाउन बिगत देखि नै माग गरेको भए पनि सुनुवाई नभएको बताउनुभयो । गाउँपालिकाको खर्च आम्दानी मासिक रूपमा सार्वजनिक गरिनु पर्ने उहाँको भनाइ छ ।

यस्तै गाउँपालिकामा गठन गर्नैपर्ने बिषयगत समितिहरु गठन नगरी मनोमानी ढंग बाट चलेको उहाले बताउनुभयो । यस्तै वडा नम्बर ३ का वडाअध्यक्ष राज बहादुर बुढाथोकीले आफ्नै गाउँपालिकाका कार्यपालिका सदस्य विरुद्ध मिडियाबाजि गर्नु लज्जास्पद भएको बताउनुभएको छ ।

छलफल तथा संवाद कार्यपालिका बैठकमा गर्न सकिने बताउदै उहाले गाउँपालिका अध्यक्षले आफुहरु विरुद्ध पत्रकार सम्मेलन गरेपछि बास्तबिकता सार्वजनिक गर्नको लागि आफुहरु पनि पत्रकार सम्मेलन गर्न बाध्य भएको बताउनुभयो ।

उहाँले सबै कार्यपालिका सदस्यको उपस्थितिमा कार्यपालिका बैठक बस्ने र छलफल गर्ने खालको बाताबरण गाउँपालिका अध्यक्षले बनाउनु पर्ने बताउनुभयो ।

आफुहरु बजेट ल्याउनको बाधक नभएको बताउदै नेकपाका जनप्रतिनिधिहरुले बरु कानुन संगत बजेट ल्याउनु

पर्ने पक्षमा रहेको बताएका छन । उनीहरुले बिधि र प्रक्रिया बाहिर रहेर आएको बजेटलाई पारित हुन नदिने बताएका छन ।

प्रतिक्रिया दिनुहोस

<