राहत बाँड्न पुगेका जनप्रतिनिधिमाथि हातपात, दुई जना पक्राउ

२७ चैत्र २०७६, बिहीबार


सांकेतिक तस्वीर

झापा- कोरोना भाइरसको संक्रमण फैलन नदिन लकडाउन गरिएपछि समस्यामा परेका विपन्न वर्गका परिवारलाई राहत वितरणका लागि पुगेका जनप्रतिनिधिमाथि हातपात भएको छ ।

झापाको गौरीगञ्ज गाउँपालिका- २ मा विपन्न वर्गका परिवारलाई राहत बाँड्न पुगेका जनप्रतिनिधिमाथि हातपात भएको हो ।

वडा नम्बर २ स्थित हेम्नाडांगी सतार बस्तीमा राहत बाँड्न पुगेका वडा सदस्य अरुणकुमार राजवंशीमाथि बुधबार साँझ हातपात भएको प्रहरीले जनाएको छ ।

वडा सदस्य राजवंशीमाथि हातपात गरेको आरोपमा सोही ठाउँका सोम मुर्मु र अन्य एक जनालाई प्रहरीले पक्राउ गरेको छ ।

वडा कार्यालयले गरेको लगत सङ्कलनमा विपन्न परिवारको नाम छुटाएको भन्दै वडा सदस्य राजवंशीमाथि उनीहरूले हातपात गरेका थिए ।

वडा कार्यालयले बुधबार बिपन्न परिवारलाई राहत वितरण गरेको छ भने यसअघि  चार सय पाँच परिवारलाई राहत वितरण गरिएको थियो ।

khabarhub

प्रतिक्रिया दिनुहोस

<