सल्यान सल्लीबजार पुगेका प्रचण्डले भने जनता माथि गद्दारि, संविधान धुज्जा धुज्जा पारि च्यातियो देश दुर्घटना हुनबाट टर्याे

सल्यान, २५ चैत ।

सल्यान सल्लीबजार पुगेका नेकपा अध्यक्ष प्रचण्डले जनयुद्धकालिनको भुमिगत समयको अवस्था स्मरण गरे । २०५३ सालमा रुकुम चौहरजारीबाट सल्लिवजार सम्म पैदल हिडेर आएको कुरा स्मरण गराउँदै सल्लि रुकुम चौहरजारी सडक खण्ड स्तरवृद्दि गर्ने कुरामा जोड समेत दिएको छ ।

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले जनताको सपनाको रक्षा गर्ने अभियानमा फेरि एक पटक लागेको भन्दै त्यो ठीक भए नभएको बारे घर–परिवारमा सल्लाह गर्न आग्रह गरेका छन् ।

कर्णाली प्रदेशको भ्रमणको क्रममा बुधबार सल्यानको सल्लीबजार पुगेका प्रचण्डले भने, ‘बीचमा दुर्घटना हुने खतरा पैदा भएको थियो । त्यो दुर्घटनाबाट राष्ट्रको रक्षा, जनताको रक्षा र तपाईं हामीको सपनाको रक्षा गर्नको लागि म फेरि एकचोटी यो अभियानमा छु ।’

उनले यो अभियानबारे घरपरिवारमा चिन्तन मनन् र सल्लाह गर्न समेत आग्रह गरे । ‘तपाईंहरूसँग भेट भयो, छोटो समयमा उपस्थित भएर मेरो कुरा सुन्नु भयो,’ सल्लीबजारमा आयोजित सानो सभा तथा भेटघाट कार्यक्रमलाई सम्बोधन गर्दै प्रचण्डले भने, ‘विचार गर्नुहोला मेरो कुरा ।

तपाईंहरुलाई कस्तो लाग्छ ? ठीक भने कि बेठीक भने की ? चिन्तन, मनन् गर्नुहोला घर परिवारमा । साथीभाइहरूमा सल्लाह गर्नुहोला ।’

बाँकी जीवन विकास निर्माण र समृद्धिका लागि लगाउने संकल्प गर्दै आफू चुनावमा गएको र त्यसको तीन वर्षपछि दुर्घना हुन खोजेको टिप्पणी गरे।

‘यो संविधान र लोकतन्त्रको रक्षा गर्दै जनताको विकास र समृद्धिको सपना पुरा गर्न धेरै ठूला–ठूला कुरा गर्ने मौका पाएँ मैले,’ प्रचण्डको भनाइ छ, ‘नेपालको इतिहासमै कमै नेताले यस्तो मौका पाउँछन् । मैले पाएँ । अब बाँकी जीवन विकास निर्माण, समृद्धि, सामाजिक न्याय र समाजवादका निम्ति दिन्छु भनेर संकल्प गरेर चुनावमा गएँको थिएँ ।’

त्यस्तो दुर्घटना प्रधानमन्त्री केपी शर्मा ओलीले गराउन खोजको प्रचण्डको भनाइ थियो । कम्युनिष्ट आन्दोलन र एकता अहिले पनि जरुरी रहेको भन्दै प्रचण्डले फेरि पनि त्यसका लागि लाग्ने बताए ।

‘कम्युनिष्ट आन्दोलन र एकता अहिले पनि जरुरी छ,’ उनको भनाइ छ, ‘हामीले गरेको एकता गल्ती गरेको होइन । त्यो सही नै हामीले गरेको हो । फेरि पनि आन्दोलनलाई एकताबद्ध गर्नैपर्छ । फेरि पनि राजनीतिक दलहरूकाबीचमा समझदारी गर्नैपर्छ ।’जनता माथिको यो ठुला धोका हो ।परिवर्तन माथिको सबै उपलब्धि कुल्चिन खोजेको जनाएको छ ।

नेकपाबारे अदालतले अनपेक्षित फैसला गरेको उनको भनाइ छ। ‘हामीले त सोच्या थियौं, अदालतले बढी भन्यो भने नाम अर्को फेर्नुहोस् भन्ला,’ प्रचण्डले भने, ‘किनभने त्यो भन्दा अरु ठाउँ थिएन । तर, अनौंठो भयो । अदालतले भन्नै नहुने कुरो भन्यो ।’

प्रतिक्रिया दिनुहोस