निर्वाचनको विजय पराजयभन्दा माथी रहेर जनताको अपेक्षा पुरा गर्न कुनै कसुर बाँकी राख्नु हुँदैन :

तत्कालिन नेकपा एमालेको तर्फबाट शारदा नगरपालिका उप–प्रमुुखका द्वितीय प्रतिद्वन्दी, जिल्ला कमिटी सदस्य एवं सामुदायिक वन उपभोक्ता महासंघ सल्यान जिल्ला अध्यक्ष कमरेड सरिता हमालसंग स्थानीय सरकार सञ्चालन र पार्टी एकता अभियानका विषयमा केन्द्रित रहेर सामुदायिक रेडियो गेमी त्रिवेणी ९४.३ मेगाहर्ज रुकुम पश्चिमका स्टेशन म्यानेजर प्रकाश देवकोटाले लिएको अन्तरवार्ताको पूर्ण अंश :

  • सल्यान जिल्लाको समृद्धि र शारदा नगरपालिका स्थानीय सरकारको कार्य शैलीसंग तपाई सन्तुष्ट हुनुहुन्छ ?

छैन । स्थानीय सरकार बनेको पौँने ३ बर्ष पुरा हुनै लाग्दा पनि सरकार सञ्चालन, विकास निर्माण स्थानीय योजना व्यवस्थापन लगायत कुनैपनि विषयमा हामी संग सरसल्लाह गर्ने परिपाटि अझैँँ बसेको मैले महशुस गरेको छैन । यसबाट सल्यानको समृद्धि फराकिलो गराउने भन्दा शारदा नगरपालिकाको विकासमा तिव्रता बृहत योजना प्रस्तुत नै हुन सकेन भन्ने मलाई लागेको छ ।

 

  • छिमेकी छत्रेश्वरी गाउँ कार्यपालिका सभा हुन नसक्नुको कारण चाँही के हो ?

त्यहाँ स्थानीय सरकारको मुख्य पद्मा नेपाली काँग्रेसले जितेको छ  । बाँकी सवै पद्मा नेपाल कम्यूनिष्ट पार्टी (नेकपा) विजय भएको छ । सवाल जुन पद्मा जजस्को बाहुल्यता भएतापनि सरकार सञ्चालन गर्दा कार्यगत एकताबाट हुनुपर्छ । निषेधको राजनीति गर्नु हुदैन ।

शारदा नगर सरकारको विकास मोडेल तपाइको विचारमा जनमुखी लागेको छ ?

विल्कुल छैन् । निर्वाचन परिणाम अनुसार विकासको रणनीति जुन ढंगले सञ्चालन भएको छ । अर्थात चुनावमा आफ्नो पार्टीको पक्षमा भोट संख्या धेरै भएको क्षेत्र छुट्टयाएर क्रमागत विकास गर्ने काम तथा रवैया संग हाम्रो विमती छ ।

  • कोरोना भाइरस (कोभिड–१९) विश्वव्यापी सन्त्राश बढेसंगै गरिएको लकडाउन चैत्र ११ देखि श्रावण ६ गते सम्मको आपतकालीन अबधी गुजार्न २० किलो चामल, १ लिटर तेल, २ पोका नुन, ५०० मिलिटर सेनिटाइजर बाँडेर जनताको समस्या कसरी समाधान भयो र स्थानीय सरकारको ढुकुटी रित्तियो भनेर कसरी पत्याउने ?

धन्यबाद्, निकै जनचासो केन्द्रित प्रश्न गर्नु भएकोमा मलाई पनि अलि सोच अनुसन्धान गर्न बाध्य पारेको अथवा स्वास्थ्य संकटकाल लकडाउन भित्र जुन गतिविधि रोकियो वा जनताको नाममा वितरण गर्ने होड चलाइयो त्यसमा मलाई रत्तिभर चित्त बुझेको थिएन । हाम्रो पार्टीको तर्फबाट बनेको कोरोना व्यवस्थापन संयन्त्रलाई जानकारी गराएर प्रभावकारी बनाउन त्यति बेला नै अग्रसरता देखाउने काममा कुनै कन्जुस्याई गरिएन ।

 

  • बृहत पार्टी एकताको सम्पूर्ण तहगत सल्यान जिल्ला व्यवस्थापन प्रक्रिया पूरा भएको छ की छैन ?
    जनबर्गीय संगठन महिला संघको बाहेक अन्य तहगत व्यवस्थापन सकिएको छ ।

 

  • रुकुमको विकास भारी भयो तर सल्यान र जाजरकोटको विकास हुदै भएन भन्ने गुनासो सुन्नुभएको छ ?
    हो अवश्य पनि मैले त्यस प्रकारका जनगुनासो लिखित, मौखिक अथवा सञ्चार माध्यामबाट व्यापक रुपमा सुनेको छु । भौगोलिक बनावटका हिसावले रुकुम, सल्यान र जाजरकोट एउटै बनावटका जिल्ला हुन् तर आन्तरिक विकास रुकुम जिल्लाको बृहत भएको देखिन्छ ।

यो सवैलाई थाह छ । जहाँ सम्म विकासका लागि कस्को नेतृव छ भन्ने मुख्य प्रश्न भन्दा जिल्लाको समृिद्धका लागि कस्तो योजना अनुसार काम गर्ने गराउने प्राविधिक तथा प्रशासनिक व्यवस्थापनको तालमेल नै प्रमुख कुरा हुदो रहेछ । भन्ने मलाई लागेको छ ।

 

  • स्थानीय न्यायिक समितिको कार्य शैली संग तपाईको कुनै बिमति छ ?

संघीय लोकतान्त्रीक गणतन्त्र नयाँ संरचनाले बदलिएको व्यवस्था भित्र उप–प्रमुखलाई न्यायालयको समेत जिम्मेवारी सुम्पिएकाले कानुनको अध्ययन अनुभव वा विगतमा जनप्रतिनिधिले गर्ने साधारण काम भन्दा यो व्यवस्थामा ऐन कानुन भित्र रहेर राज्य सञ्चालनको दायित्व थपिएकाले असहजता देखिएको हुनुपर्छ ।

 

  • स्थानीय चुनावका लागि अव एक बर्षमात्र बाँकी छ । फेरी शारदा नगरमा भिड्ने योजना के छ ?

त्यो मेरो चहाना भन्दा पनि पार्टीको नीति अनुसार अगाडि बढ्ने विधि र पद्धती छ । त्यसैमा टेकेर अगाडी बढिन्छ ।

 

  • विगतको निर्वाचन प्रणाली महंगो भयो भनेर नेता कार्यकर्ताले उच्च नेतृत्वलाई दवाब दिएका थिए । यसपटक निर्वाचन प्रणाली फेरिन्छ होला नि ?

निश्चित रुपमा चुनाव सवैको साझा र सुलभ जनमुखी, सेवा मुखी एवं समुदायको हितमा संकल्प केन्द्रीत हुनुपर्छ । ता की भड्काव मुखी होइन ।

  • उप–मेयर निर्वाचित भएर जनताको सेवा गर्ने अभिलासा अधुरो रिक्तता पुरा गर्न फेकोफन जिल्ला अध्यक्ष हुने अवसर चाहीँ संयोग हो की ? उपहार !

होइन । “न संयोग हो न उपहार” म समाज सेवामा तानिएको सामुदायिक वन उपभोक्ता समितिबाट नै हो । जसले मलाई समाजको अग्रसरताको जिम्मेवारी बोध गराउने पहिलो जमर्काे प्रदान ग¥यो ।

 

  • सामुदायिक वन महासंघको जिल्ला अध्यक्षको हैसियतले सल्यान जिल्लाका वनपाखामा रहेका सल्लाको रुखबाट खोटो निकाल्ने अभियान वातावरण विनासका लागि घातक भएको जनगुनासो सत्य हो की होइन ?

प्राकृतिक श्रोतको सदुपयोग गरी समाजलाई आर्थीक, सामाजिक र प्राकृतिक रुपमा राज्य शक्तिका मुख्य पक्षको प्रयोगबाट जनताको जीवन स्तर बृद्धि गर्ने नीति अन्तर्गत हाम्रो जिल्लाका सल्लेरी वनहरुको वैज्ञानिक व्यवस्थापन फेकोफन मार्फत भईरहेको मैले महशुस गरेको छु ।

जनतालाई यो पनि ज्ञान होस् । मानिसको रक्तसञ्चार प्रणालीलाई सन्तुलित राख्न रक्तदान गरेझै बोट विरुवाको पनि सुरक्षित र व्यवस्थित रक्तदानको आवश्यक्ता महसुस गरी खोटो निकाल्न विभिन्न कम्पनीको स्थापना गरिएको छ ।

 

  • राजनीतिमा लागेर के पाउनु भयो र के गुमाउनु भयो ?

छैन । गुमाउने र पाउने मनसायले म राजनीतिमा लागेको थिएन । बरु हजारौँ जनसमुदायको अपार माया र स्नेहको छटाले मलाई समाज विकासको अनवरत यात्रामा लागि रहने पे्ररणा मिलेको छ ।

 

  • तपाइलाई राजनीतिमा लागेर समाजको सेवा गर्न सकिन्छ भन्ने उर्जा कसले दियो ?

म विद्यार्थी छँदा देखिनै समाजको विभेद्पूर्ण व्यवहार, अन्धविस्वास, अशिक्षा, कुरीति सहितको राज्यव्यवस्थाको परिकल्पना गरेर माक्र्शबादी जीवन दर्शनबाट प्रभावित थिए ।

समय क्रममा विद्यार्थी संगठनका गतिविधि संग हेलिदै जाँदा समाज परिवर्तन नीति विचार र सिद्धान्तबाट हुँने ठहर गरी आदरणीय दिदी उशा हमालको प्रेरणाले मलाई राजनीतिमा लाग्ने उर्जा प्राप्त भएको हो ।

 

  • अन्त्यमा हामीले सोध्न छुटाएका र यहाँले भन्न बाँकी रहेका कुनै विषय छन की ?

रुकुम पश्चिम देखि रेडियो गेमी त्रिवेणी ९४.३ मार्फत हाम्रो लोकप्रिय कुमाख दैनिक पत्रिकाको संयोजनमा मेरो निवास सम्म आएर स्थानीय सरकार बने पछिका विभिन्न विषयमा जनचाहनासंग जोडिएका जिज्ञासाहरुको कोसेली जनता समक्ष पु¥याउने अवसर लिएर पत्रकारिताको दायित्व पुरा गर्न तपाईले खेलेको भुमिका प्रसंसनीय छ । दशैँ तिहारको धेरै धेरै शुभकामना छ ।

प्रतिक्रिया दिनुहोस